最近我做左好多唔應該做既事
鍾意左一個唔應該鍾意既人
等一個唔應該等既所謂機會
浪費左一d唔應該浪費既時間
諗埋一d唔應該諗既野
去左一d唔應該去既地方
食左一d唔應該食既野
返左去一個唔應該返既屋企
同埋上過一張唔應該上既床
然後,大家又做左好多唔應該做既事
之後,大家都覺得唔應該咁繼續落去
唔知自己想點
凈係知道自己唔想點
例如我唔想俾其他人知道我同佢之間既事啦
唔想大家走黎走去唔知為乜
唔想妳搵我,我搵妳
唔想唔誠實啦,唔坦白,唔見得光
唔想有秘密
都唔係好想知道大家其實有幾鍾意大家
總知高興就得
我唔想太認真啦
但係又唔想玩玩下
我都唔係好想知道一d我唔應該知道既事
其實我同佢應該係見小d面好d
唔應該鍾意
唔應該傷害
唔應該發生
唔應該開始
唔應該結束
我知我唔應該再搵佢
但係我又好想知道佢會唔會因為我而唔開心
每馮一個人既時候,我就係度諗……
到底我自己應該想點
最近我好鍾意一個人
自己一個人
一個人四圍去
一個人開工
一個人收工
一個人去食飯
一個人去飲野
一個人係屋企亂按個遙控
夜晚一個人上綱
有時一個人跑步
一個人打機
一個人去做GYM
一個人去ka拉OK
一個人去睇戲
間唔中一個人砌下模型
星期六晚一個人去party
跟住一個人聽歌
一個人跳舞
一個人流汗
一個人離開
一個人上車
跟住一個人返到屋企
一個人開心唔開心,大笑大叫
連續好多日都係一個人
一個人有一個好處就係唔使有任何責任
唔使有咁多包袱
每日24小時,都係屬於自己
個世界幾時開始,幾時停
完全係由我一個人話事
我鍾意去邊就去邊
做咩野就做咩野
諗乜野就乜野
我鍾意點就點
總知我鍾意就得
我鍾意一個人
其實我唔係好肯定
我係鍾意一個人
定係鍾意兩個人
有件事
我一路都諗唔清楚
就係到底我同佢一齊開心d
定係我自己一個人開心d呢
呢個問題
似乎係一個人搵唔到答案
最近我時時都係一個人
得返一個人
無無聊聊又一個人
行行企企又一個人
開心唔開心
都係一個人
自己
一個人
諗起兩個人既畫面
我地一齊食飯啦
一齊行街
一齊返屋企
一齊生活
用同一條毛巾
用同一隻水柸飲同一啖水
上同一張床
一齊開心
一齊開始
一齊停
跟住
又一齊去食飯
一齊行街
一齊過馬路
一齊停低
一齊返屋企
用同一個洗手間
上返同一張床
做返同樣既動作
一齊無無聊聊又一個下午
跟住一齊睇VCD啦
一齊恰下啦
一齊諗下張來
一齊傾計
一齊諗下之前發生咩事
一齊諗下之後又發生咩事
到底應唔應該一個人呢?
定係兩個人好d?
一個人開心d?
定係兩個人開人d?
一個人/兩個人?
